အမေရိကားနှင့် အလုပ်ခွင် စစ်ပွဲ - ဇာမဏီရိုင်း (လူထုအသံ)

အမေရိကားမှာ ပြည်သူတွေ အလုပ်လက်မဲ့ ဖြစ်နေ ကြတာဟာ မကြာမီ အနားယူတော့မဲ့ ရီပါပလစ်ကင် ဘုရှ် အစိုးရရဲ့ စီမံခန့်ခွဲမှု ညံ့ဖျင်းတာရယ်၊ သူ့ရဲ့ စီးပွားရေး မဟာဗျူဟာအမှားကို ပြုပြင်ခြင်းမရှိပဲ တရားသေ လက်ကိုင်ထား ခေါင်းမာတာရယ်၊ စစ်စရိတ်ထောင်းလို့ ဖြစ်ရတာလို့ အမေရိကန် ပြည်သူတွေက ပေါ်ယံရှပ် ပြီး ရှုမြင်ကြပါတယ်။

ဒီ စီပွားရေး လဲပြိုမှုဂယက် နောက်ဆက်တွဲကို အမေရိကားရောက် မြန်မာတွေလည်း အဲဒီအရှိန်ကို ခံစား စံစားကြရတာပါပဲ၊ အမေရိကန်နိုင်ငံ အနောက်ဖက်အခြမ်းမှာတော့ ဝါရှင်တန်ပြည်နယ် ဆီအက်တယ်လ်မြို့ မှာ အခြေစိုက်တဲ့ ဘိုးရင်း လေယာဉ်ကုမ္မဏီက အလုပ်သမားတွေ အရင်အလုပ်စ ပြုတ်ကြပါတယ်၊ မိုက်ခရို ချစ် ပရော့က်ဆက်ဆာတွေထုတ်တဲ့ အင်တယ်လ်ကုမ္မဏီက သူတွေလဲ အနားပေး ခံရလိုခံရ၊ ကမ္ဘာကျော် နိုက်ကီဖိနပ် ကုမ္မဏီက တချို့လဲ အလုပ်ဖြုတ်ခံထိကြပါတယ်၊ တချို့ မလဲပြိုပဲ ယိုင်နဲ့နဲ့ဖြစ်သွားတဲ့ အမေရိ ကန် ကုမ္မဏီတချို့တွေတော့ မက္ကဆီကို၊ တရုတ်နဲ့ ဗီယက်နမ်ကို ရွှေ့သွားကြပါတယ်၊ လွန်ခဲ့တဲ့ ၂ ပါတ် ကျော်က သမတဘုရ်ှဟာ အေဘီစီ ရုပ်မြင်သံကြားမှာ သူ့ စီးပွားရေးဗျူဟာ မှန်တယ်လို့ကို သူ့ရဲ့ နောက်ဆုံး အချိန်အထိ ခုခံပြောဆိုနေပါသေးတယ်။

အမေရိကန်နိုင်ငံမှာ ၂၀၀၈ ခုနှစ် တနှစ်လုံးအတွက် အလုပ်လက်မဲ့ ဖြစ်ခဲ့ရသူ စုစုပေါင်း ၂.၆ သန်းနီးပါး ရှိ နေပြီး ပြီးခဲ့တဲ့နှစ် ဒီဇင်ဘာလ တလထဲမှာပဲ အလုပ်လက်မဲ့ ၅၂၄,၀၀၀ ရှိနေ ပါပြီလို့ အမေရိကန်အစိုးရရဲ့ အလုပ်သမားရေးရာဆိုင်ရာဌာနက ကြေညာချက် ထုတ်ပြန်ခဲ့တယ်၊ ယခင်နှစ်က အလုပ်လျှော့ချသည့် နှုန်း ထားမှာ ၁၉၄၅ နောက်ပိုင်းတွင် အဆိုးရွားဆုံးဖြစ်ကာ အမေရိကန် အလုပ်သမား အစည်းအရုံးမှ ထုတ်ဖေါ် ပြောကြားရာ၌ အမျိုးသား အလုပ်လက်မဲ့နှုန်းမှာ ဒီဇင်ဘာလက ၇.၂ ရာနှုန်းသို့ ရောက်ရှိခဲ့ပြီး ၁၆ နှစ်အတွင်း အမြင့်ဆုံးဖြစ်ကာ နိုဝင်ဘာလက ၆.၈ ရာနှုန်းထက် စာပါက အညွှန်းကိန်း အတော်ကို ထောင်တက်သွားခြင်း ဖြစ်သည်လို့ ဖေါ်ပြသွားပါတယ်။

အခု စာရေးသူက အမေရိကန်နိုင်ငံအတွင်း နေထိုင်ကြတဲ့သူများ၊ ရောက်လာလတ္တံ့သော မြန်မာ နိုင်ငံသား များအတွက် အခြေခံပြီး ရေးသားမှာဖြစ်သလို အခြေခံ အလုပ်သမားတွေအကြောင်းကို ဇောင်းပေးမှာ ဖြစ်ပါ တယ်၊ အမေရိကန် အစိုးရက လူသားချင်း စာနာထောက်ထားတယ်လို့ ကမ္ဘာအလယ်မှာ ပြောပြီး မြန်မာ့ စစ်ပြေး ဒုက္ခသည်တွေကို နယ်စပ်ဒေသကနေ အလုံးအရင်းနဲ့ ခေါ်ယူတာဟာ တချို့နေရာမှာ ရည်ရွယ်ချက် တွေ ရှိနေပါတယ်၊ သတင်းတပုဒ်အရ သုံးသပ်ရယင် ပြီးခဲ့တဲ့ နှစ်လည်ပိုင်းလောက်က အမေရိကန် နိုင်ငံ တခွင် တရားမဝင် နေထိုင်သူတွေကို လိုက်လံဖမ်းဆီး နေရပ်ပြန်ပို့တဲ့ စစ်ဆင်ရေး လုပ်ပါတယ်၊ တက္ကဆတ် ပြည်နယ်က နာမည်ကျော် အမဲသားသတ် စက်ရုံကြီးတခုမှာ တရားမဝင်တဲ့နည်းနဲ့ အလုပ်လာလုပ်ကြတဲ့ အိမ်နီးချင်း မက္ကဆီကို၊ ဂွာတီမာလာ စတဲ့ လက်တင် အမေရိကား နိုင်ငံသား အတော်များများ ဖမ်းဆီးခြင်း ခံ ရလို့ အဲဒီ တက္ကဆတ် ဟူစတန်က သားသတ် စက်ရုံ ပိတ်လိုက်ရပါတယ်၊ ဒီလိုနဲ့ ၂လအကြာ ချိန်သားကိုက် ပြောရမလားပဲ၊ တက္ကဆတ် ဟူစတန်ကို မြန်မာပြည်နယ် နယ်စပ်ဒေသက ကရင်အမျိုးသားတွေ တလှေကြီး ရောက်လာလို့ စက်ရုံ ပြန်ဖွင့်နိုင်ခဲ့ရပြီလို့ နယူးယောက် ထိုင်းသတင်းစာမှာ ဖေါ်ပြထားတာကို ပြန်ပြောင်း သုံး သပ်ရယင်ဖြင့် ခေတ်သစ်ကျေးကျွန်တွေ အမေရိကန်နိုင်ငံက ကမ္ဘာ့အလယ်မှာ ယဉ်ကျေးစွာနဲ့ လူသားချင်း စာနာတယ်လို့ နာမည်ကောင်းယူ တံဆိပ်တပ်လိုက်ခြင်းခံရတယ်လို့ ထင်သာမြင်သာရှိရပါတယ်။

အမှန်တော့ ဒီလိုရှုမြင်ချက်ဟာ အောက်ဖေါ်ပြပါ အချက်အလက်တွေက အထောက်ကူပြုပါ့မယ်၊ အမေရိ ကန် နိုင်ငံသားလို့ခေါ်တဲ့ ဒေသခံများမှာ ပညာတတ်လူတန်းစား ပွားများလာတာနဲ့အမျှ စက်မှုနိုင်ငံဖြစ်တဲ့ အမေရိကန် စီးပွာရေးရဲ့ ဒေါက်တိုင်တွေဖြစ်တဲ့ Manufacturing အပိုင်းက အခြေခံ အလုပ်သမား လိုအပ် ချက်တွေ များပြားလာပါတယ်၊ ဒီလိုအပ်ချက်တွေအတွက် ကမ္ဘာပေါ်က စစ်ဖြစ်တဲ့ဒေသ၊ သဘာဝ ဘေးကပ် ဆိုးတွေ ကျရောက်ရာဒေသက ဒုက္ခသည်တွေကို နှစ်စဉ်လူဦးရေ ခြောက်သောင်းခွဲနီးပါးလောက် ခေါ်ယူ တင်သွင်းလာပြီး အလုပ်သမားလိုအပ်ချက်ကို ဖြည့်ဆည်းပါတော့တယ်၊ ဒီထက် အနဲငယ်မြှင့်တဲ့ အတန်း အစား လိုအပ်ချက်တွေကို DV လို့ လူသိများတဲ့ ဂရင်းကဒ် ထီ ဆိုတဲ့ အစီစဉ်နဲ့ ဘွဲ့ရမှတို့ အင်္ဂလိပ်လို နားလည်ရေးဖတ်နိုင်မှတို့ ပညတ်ချက်တွေနဲ့ အမေရိကန် နိုင်ငံထဲ ဆွဲခေါ်သွင်းခဲ့တာပါပဲ၊ အတော်အတန် ဖေါက်ထွက်နိုင်တဲ့သူများမှ အမေရိကားမှာ လူလူသူသူ ရပ်တည်ရေးအတွက် အလုပ်လုပ်ရင်း ကျောင်းတက်၊ ဘွဲ့ရမှ ကော်လံဖြူ လောကထဲ ဝင်တိုးနိုင်ကြမှာပါ။

ဒီလို အမေရိကန် စီးပွားရေးကျဆင်းမှုရဲ့ နောက်ဆက်တွဲမှာ အခြေခံ အလုပ်သမားတွေသာ အရင် ထိခိုက် ကြရတာပါ၊ ကမ္ဘာအရပ်ရပ်က တသောသောဝင်လာကြတဲ့ လူမျိုးစုံ အမေရိကားမှာ ကုမ္မဏီတွေ အလုပ် အကိုင်တွေက အနားပေး ခံလိုက်ရတဲ့ အလုပ်သမားများ အချို့ရဲ့ အလုပ်အကိုင် ရှာဖွေမှု အဓိက ပြဿနာ ကတော့ ဘာသာစကား ပြဿနာပါ၊ အင်္ဂလိပ်စာ၊ စကား၊ မရေးမဖတ် မပြောနိုင်ဖူး၊ အတိုင်းအထွာတွေ၊ ဘလူးပရင့် မဖတ်တတ်ဖူး၊ ကွန်ပြူတာ အခြေခံသုံးနည်းကို ကီးဘုတ်လောက်မှ မယဉ်ပါးတဲ့သူတွေဟာ စက်မှုဖွံ့ဖြိုးတဲ့နိုင်ငံကြီးမှာ “ကိုယ်ဟာ လူကြမ်းလေးပါ” သီချင်း ဆိုပြစရာမလိုတဲ့ ခပ်ကြမ်းကြမ်း လူကြမ်း အလုပ်တွေ ပဲ လုပ်ရမှာမို့ အလုပ်ရှားပါးချိန်မှာ အင်တာဗျူးလောက်မှ ကိုယ်တိုင် မဗျူးနိုင်ဖူး၊ အွန်လိုင်းကနေ အပလီကေးရှင်း မတင်နိုင်ဖူးဆိုယင်တော့ သူများနဲ့ သူတင်ကိုယ်တင် အလုပ်မရှာနိုင်တော့ပါဖူး၊ ဒီတော့ အခု နှစ်ပိုင်းအတွင်းမှာ ရောက်လာတဲ့ လူသစ်များအဖို့ကတော့ အတော်အတန် ကသီလင်တ ဒုက္ခရောက်ကြရပြီး ( ဒုက္ခရောက်တယ် ဆိုတာကလည်း စားဖို့နေဖို့ ထောက်ပံ့ကြေး လောက်ငှယုံ အတိသာရပြီး အပိုငွေ လုံးဝ.. လုံးဝကို မရှိတာကို ပြောတာပါ ) နေသားကြ သူတွေတောင်မှ အထက်ပါ အချက်အလက်တွေမှာ ထိနေ ငြိ နေရင်၊ အလုပ်ကောင်းတွေကို အလုပ်အကိုင် ရှာဖွေရေးကုမ္မဏီတွေကသာ လက်ဝါးကြီး အုပ်ထားတတ်တဲ့ ဒီလိုနိုင်ငံမျိုးမှာ ပြောမဆုံးပေါင် တောသုံးတောင်ပါပဲ။

ဥပမာ အမေရိကားမှာ နာမည်ကြီးကုမ္မဏီတွေဖြစ်တဲ့ ဘိုးရင်း၊ မိုက်ခရိုဆော့(ဖ်)၊ အင်တယ်လ်၊ နိုက်ကီ၊ မဲလ်ရစ်၊ တက်ထရောနစ်၊ ဆစ်ကို၊ စတဲ့နည်းပညာ ကုမ္မဏီတွေကို ပါတ်သက်ရာ ပါတ်သက်ကြောင်းနဲ့ အလုပ်ရဖို့ ဝင်ယင်ဝင်၊ မဝင်ယင် အလုပ်အကိုင်ရှာဖွေရေး ကုမ္မဏီတွေဖြစ်တဲ့ အိတ်စပရက်၊ စတတ်ဖိုင်ဒါ၊ ဂျော့ဘ်ဒင်ဂိုတို့လို စသဖြင့်တို့က ချုပ်ကိုင်ထားတတ်ကြပါတယ်၊ အပလီကေးရှင်း၊ စီဗွီ၊ ရဇူးမင်းကို သူတို့ဆီ မှာ တင်ရပါမယ်၊ အွန်လိုင်းကတင်လဲ ရပါတယ်၊ အင်တာဗျူးပြီးလို့ အလုပ်ရလို့ကတော့ လုပ်ခရဲ့ နာရီတိုင်း မှာ တမတ်၊ ငါးမူး ဖြတ်နေတော့တာပါပဲ၊ အမေရိကားထုံးစံအတိုင်း အစမ်းခန့် ၃လ ကနေ ၆လ အကြာမှာ ဖြတ်စားလေ့ရှိပြီး အမြဲတမ်းခန့်မှ ငွေဖြတ်တာ ရပ်ပါတယ်၊ ဒီလိုနံမည်ကျော် ကုမ္မဏီတွေကလဲ ပညာရှင်ဆို ပညာရှင်မို့လို့၊ အလုပ်သမားဆို အလုပ်သမားမို့လို့ အခွင့်အလမ်းတွေ ခံစားခွင့်တွေက သူမတူအောင် ကောင်းတတ်ပါတယ်။ ဒီတော့ ဥပဒေဘောင်အတွင်းက ဖြတ်စား လပ်စားကြတာ အရင်းရှင် စီးပွားရေး စနစ်ရဲ့သရုပ်သကန်ပါ။

အမေရိကန် အစိုးရသတ်မှတ်နှုန်းထားကတော့ လူတိုင်း ပုံမှန် ၁ ရက် ၈ နာရီနဲ့ ၅ ရက် နာရီ ၄၀ လုပ်ရမှာပါ၊ တရက် ၁၂ နာရီလုပ်ရတဲ့ အလုပ်ဆို ယခုအပါတ် ၄ ရက်လုပ်ရပြီး၊ နောက်တပါတ်မှာ ၃ ရက်ပါ၊ အမေရိကန် နိုင်ငံရဲ့ Floor Level လို့ခေါ်တဲ့ အခြေခံအလုပ်သမားများဟာ ၁ နာရီ လုပ်ခကတော့ ပြည်နယ်အလိုက် ကွာခြားပြီး ၈ ဒေါ်လာကနေ ၁၂ ဒေါ်လာအထိ ပျမ်းမျှနှုန်းထား ယခုနှစ်မှာ တရားဝင်ရှိနေပါတယ်၊ ပြီးခဲ့တဲ့ တပါတ်က ရေဒီယိုအင်တာဗျူးတခုမှာ အချိန်မလုံလောက်မှုကြောင့် ထင်ပါတယ်၊ ထင်ယောင်ထင်မှား ဖြေ ထားတာတခု ထောက်ပြချင်ပါတယ်၊ အလုပ်ပြုတ်သွားသူက အလုပ်လုပ်တုန်းက ၁ ပါတ်ကို ဒေါ်လာ ၂၅၀ ရ ပါတယ်၊ အလုပ်အနားပေးခံရတော့ ဒေါ်လာ၂၄၀ ကျော်လောက် အစိုးရနဲ့ ကုမ္မဏီက ထောက်ပံ့ထားတယ်လို့ ဖြေတော့၊ အမေရိကန်နိုင်ငံ ပြင်ပကသူတွေက အလုပ်မလုပ်ပဲနေတာ ပိုကိုက်တယ်လို့ မြင်မိမှာမို့ပါ။

အမှန်က အင်တါဗျူး ဖြေကြားသူဟာ ၃ နှစ်ဆက်တိုက် အလုပ်လုပ်ခဲ့တော့ သူမ အခွန်တော် ထမ်းခဲ့တဲ့ ငွေ တွေထဲက၊ ပင်စင်ယူရင် သုံးဖို့စုထားပေးတဲ့ ငွေတွေထဲကနေ ပြန်ထုတ်ပေးနေတာပါ၊ အလုပ်မလုပ်ခဲ့ဖူးသူ အခွန်တော် မထမ်းခဲ့ဖူးသူတွေကိုတော့ ခံစားခွင့်အကျိူးမရှိပါ၊ သိပ်ခက်ခဲလွန်းလို့ စည်းမျဉ်းစည်းကမ်းနဲ့ ငြိရင် ခံစားခွင့်ပေးခဲ့ရင်လဲ နှောင်ကြိုးနဲ့ပါ၊ မိမိ အလုပ်လုပ်တဲ့အခါ တဖြေးဖြေးနဲ့ အစိုးရက ပြန်နှုတ်ယူသွားပါတယ်၊ အလုပ်က အနားပေးခံရသူတွေ အကျိုးဆက်ရဲ့နောက်ကွယ်မှာ အလုပ်သမားရေးရာရုံးက ကြိုးကိုင်ထားပြီး ၁ ပါတ်ကို ၁ ကြိမ် အလုပ် ဘယ်မှာရှာနေကြောင်း အနည်းဆုံး အလုပ်ရှာ ကုမ္မဏီ ၅ ခုလောက် ရပို့တ်လုပ်ရပါ တယ်၊ လိုအပ်ယင် အလုပ်ခွင် ကျွမ်းကျင်မှုသင်တန်းတွေ တက်ရပါတယ်၊ နောက် ကိုယ့်ဟာကို မရှာနိုင်တော့ ဖူးဆိုယင် Job counselor ၊ Job Coach ၊ Case Manager/ Worker တို့က ရှာပေးတဲ့အလုပ်ကို လုပ်ရပါ မယ်၊ အမေရိကားမှာ အလုပ်မရှိယင် ရပ်တည်ဖို့ မလွယ်ပါ၊ အစိုးရကလည်း အကြောင်းမဲ့ ငွေမပေးထားပါ၊ အမေရိကန်တွေ ပြောနေကြ စကားများလိုပါပဲ "Nothing get free, Anywhere !" ပါပဲ။

အထက်က ရေးသားဖေါ်ပြချက်များဟာ Laid Off လို့ခေါ်တဲ့ အလုပ်က အနားပေးခံရသူများအတွက်ပါ၊ အလုပ်ခွင်ကနေ ကိုယ်ဟာကိုယ် ထွက်လာခဲ့တာတွေ၊ ဖိုင်းယားလို့ခေါ်တဲ့ အလုပ်ခွင်မှုခင်း ပြစ်ဒါဏ်ထိသူ တွေကတော့ ယင်းခံစားခွင့်များမရှိပါ၊ များသောအားဖြင့် လူကြမ်းအလုပ်တွေကို စိုက်ပျိုးရေး ဥယျာဉ်ခြံမြေ လုပ်ငန်းများ၊ သားသတ်စက်ရုံ၊ သန့်ရှင်းရေးလုပ်ငန်းများ၊ စားသောက်ကုန်လုပ်ငန်းများ၊ အထည်အလိပ် ချုပ်လုပ်ခြင်း လုပ်ငန်းများ၊ အာရှစားသောက်ဆိုင်လုပ်ငန်းများ၊ စသဖြင့် 3D လုပ်ငန်းတွေမှာ လုပ်ကိုင်ရတာ များပါတယ်။

ကော်လံပြာ လူကြမ်းဘဝ ဖေါက်ထွက်ချင်သူများအတွက်ကိုတော့ အလုပ်အကိုင်လေးတခု မြဲအောင်လုပ်၊ ပေးရမဲ့လစဉ်ကြေး အကြွေးတွေ မှန်မှန် ရက်မလွန်အောင်ပေး၊ ကွန်မြူနတီကျောင်းတွေမှာ အသက်မွေးဝမ်း ကျောင်းဆိုင်ရာ ကျောင်းကလေးတက်၊ မြန်မာတွေ ဖြစ်လေ့ဖြစ်ထရှိတဲ့ အိမ်တွင်းအကြမ်းဖက်မှုတွေကို ရှောင်၊ အရက်သောက်ပြီး ကားမမောင်းနဲ့၊ မသိတာကိုမေး ဗဟုသုတရှာမှီး၊ ဥပဒေကိုလေးစား လိုက်နာနိုင်ခဲ့ ရင် ဂျော့ရှ် ဒဘယူလ်ဘုရှ် ဖန်တီးခဲ့တဲ့ အလုပ်ခွင်စစ်ပွဲတွေကို အခွင့်အလန်းတွေနဲ့ ကျော်လွှားနိုင်မှာပါ၊

အိပ်မက်တိုင်းပြည်လို့ခေါ်တဲ့ အမေရိကားဟာ အမှန်တော့ လူတွေထင်ထားသလို ရွှေမိုးငွေမိုးတွေ ရွာချတဲ့ နိုင်ငံမဟုတ်ပါဖူး ကြိုးစားခြင်း အခွင့်အလမ်းတွေရှိတဲ့နိုင်ငံပါ၊ သေချာတာဆို့လို့ ဘင်ဂျမင် ဖရန်ကလင် သမိုင်းဝင်ပြောခဲ့တဲ့ “ အမေရိကားရဲ့ သေချာခြင်းဆိုတာ Tax နဲ့ Death" ပဲရှိတယ် ဆိုတာကိုတော့ မှတ် သားထားရမှာပါ။ ။

ဇာမဏီရိုင်း
REF: လူထုအသံ