စစ်ဦးစီးချုပ်နှင့် သဘောထား ကွဲလွဲမှု မဟုတ်ကြောင်း KNU ပြော

ဟင်္သာနီ (မွန်မြေ)
အောက်တိုဘာလ ၀၁ ရက် ၂၀၁၂ ခုနှစ်

ကရင်ပြည်နယ်၊ ဘားအံမြို့၌ စက်တင်ဘာလ ၂၉ ရက်နေ့က ကရင်အမျိုးသားအစည်းအရုံး KNU ၏ ဗဟိုအဆင့် ဆက်ဆံရေး ရုံးအား KNU နှင့် ကရင် အမျိုးသား လွတ်မြောက်ရေး တပ်မတော် KNLA ဗဟိုစစ်ဌာနချုပ်အား အသိမပေးဘဲ စစ်ဦးစီးချုပ်က သွားရောက်ဖွင့်လှစ်ခဲ့ခြင်းသည် အဖွဲ့တွင်း သဘောထားကွဲလွဲမှု မဟုတ်ကြောင်း KNU အထွေထွေ အတွင်းရေးမှူး က ပြောသည်။

“အဲဒီကိစ္စက KNU နဲ့ KNLA စစ်ဦးစီးချုပ် သဘောထားနှစ်ခု ကွဲတာတော့ မဟုတ်ဘူး။ ဖြစ်တာကတော့ စစ်ဦးစီးချုပ်က ဘားအံ မှာ ဗဟို ဆက်သွယ်ရေးရုံး သွားဖွင့်တာကတော့ ဗဟိုဌာနချုပ်က မသိတာကိုပဲ ဖြစ်တယ်။ လုပ်နည်းလုပ်ဟန်နဲ့ စုပေါင်းခေါင်း ဆောင်မှု ပုံစံ ဆိုရင် အဲဒါ မဖြစ်သင့်ဘူး။ အဲဒါကိုတော့ ဘယ်လိုလုပ်ရမယ် ဆိုတာ အဖွဲ့အစည်းမှာ ပြန်လည်ဆွေး နွေးပြီး အဖွဲ့ အစည်း ဆုံးဖြတ်ချက်အတိုင်း ကိုင်တွယ် လုပ်ဆောင်သွားဖို့ ရှိပါတယ်” ဟု နော်စီဖိုးရာစိန် က မဇ္ဈိမကို ပြောသည်။

အငြင်းပွားဖွယ်ရာ ထို ဆက်သွယ်ရေးရုံးအား ဘားအံမြို့ အမှတ် (၄) ရပ်ကွက်၌ KNLA စစ်ဦးစီးချုပ် ဗိုလ်ချုပ်ကြီး မူတူးစေးဖိုး နှင့် သမ္မတရုံး ဝန်ကြီး ဦးအောင်မင်းတို့က ဦးဆောင်၍ ဖွင့်လှစ်ပေးခဲ့ခြင်းဖြစ်သည်။

ထိုကိစ္စနှင့် စပ်လျဉ်း၍ KNU ဗဟိုဌာနချုပ်၏ သဘောထား ကြေညာချက် တစောင်ကိုလည်း မူတူးစေးဖိုးနှင့် ဦးအောင်မင်းတို့ ဘားအံ၌ တွေ့ဆုံခဲ့သည့် စက်တင်ဘာလ ၂၇ ရက်နေ့ ရက်စွဲဖြင့် ထုတ်ပြန်ခဲ့သည်။ ထိုနေ့တွင် ဗိုလ်ချုပ်ကြီး မူတူးစေးဖိုးသည် ခရိုင်၊ တပ်မဟာ အချို့မှ ခေါင်းဆောင် အချို့ကို ခေါ်ဆောင်ပြီး အဖွဲ့ဝင် ၃၁ ဦးဖြင့် မြန်မာအစိုးရနှင့် တွေ့ဆုံရန် ဖားအံသို့ ထွက်ခွာသွားပြီး ဗဟိုအဆင့် ဆက်သွယ်ရေး ရုံးအား ၂၉ ရက်နေ့တွင် ဖွင့်လှစ်ရန် စီစဉ်ထားသည်ဟု ထုတ်ပြန် ကြေညာချက်၌ ဖော်ပြပါရှိသည်။

စစ်ဦးချုပ်၏ လုပ်ဟန်သည် ပါတီမှ သဘောတူ ချမှတ်ထားသည့် ဆုံးဖြတ်ချက်အား ချိုးဖောက်ရာ ရောက်သည်ဟု အထွေထွေ အတွင်းရေးမှူး နော်စီဖိုးရာစိန် က ဆိုသည်။

“KNU နဲ့ အစိုးရတို့ နောက်တခေါက် တွေ့ပြီးရင် ဗဟိုအဆင့် ဆက်သွယ်ရေးရုံး ဖွင့်ဖို့ သဘောထားတော့ ရှိတယ်။ အခုလို စော ပြီး ဖွင့်လိုက်တဲ့အတွက် ဗဟိုရဲ့ ဆုံးဖြတ်ချက်ကို ကျော်လွန် လုပ်ဆောင်သလို ဖြစ်နေတယ်လေ။ နောက်တခုက သတင်းတွေမှာ ထွက်နေသလို ဆက်ဆံရေးကို KNLA နဲ့ KNU ခွဲပြီး ဖွင့်တာ မရှိဘူး”ဟု ပြောသည်။

အစိုးရ အနေနှင့် စောစီးစွာ ဖွင့်စေလိုပြီး ဆက်သွယ်ရေးများနှင့် နောက် လုပ်စရာရှိသည် တို့ကိုလည်း မြန်မြန်ဆန်ဆန် လုပ်နိုင် ပါလိမ့်မည်ဟု အဆိုပါ ရုံးဖွင့်ပွဲတွင် ဝန်ကြီး ဦးအောင်မင်း က ပြောကြားခဲ့သည်။

ဤကိစ္စကြောင့် အဖွဲ့တွင်း ညီညွတ်ရေးကို မထိခိုက်စေလိုကြောင်း KNU ၏ ဘားအံခရိုင် ဥက္ကဋ္ဌ၊ ဗဟိုကော်မီတီဝင် ဗဒို အောင်မော်အေး က ပြောသည်။

“ဗဟိုဆက်သွယ်ရေးရုံး သွားဖွင့်တော့ အဖွဲ့အစည်းကြား ကောင်းကောင်း ပြန်မညှိ နိုင်ရင်တော့ အဖွဲ့အစည်းရဲ့ စည်းလုံးညီညွတ် မှုကို ထိခိုက်စေနိုင်တာပေါ့။ ရည်မှန်းချက် တူပေမယ့် ချဉ်းကပ်ပုံ မတူလို့ ဖြစ်သွားတဲ့ အနေအထားတော့ ရှိတယ်။ အခု ပြဿ နာက ခရိုင်တပ်မဟာ ပြဿနာ မဟုတ်ဘူး။ ဗဟို အလုပ်မှုဆောင် ကော်မတီရဲ့ ပြဿနာပဲ။ အရေးယူဖို့ကတော့ ကျနော်တို့ မတောင်း ဆိုပါဘူး။ ဒီလို ဖြစ်သွားတဲ့ အပေါ်မှာ တယောက်နဲ့ တယောက် ပြန်လည်ညှိနှိုင်းကြဖို့ ဗဟိုကော်မီတီကို တောင်းဆို ချင်တယ်” ဟု မဇ္ဈိမကို ပြောသည်။

သို့သော်လည်း စစ်ဦးစီးချုပ်၏ ယခုလုပ်ရပ်သည် အဖွဲ့အစည်း၏ စည်းလုံးညီညွတ်မှုကို ပျက်ပြားစေသည့် သက်ရောက်မှုမျိုး ရှိလိမ့် မည် မဟုတ်ဟု KNU မှ သုံးသပ်ထားကြောင်း နော်စီ ဖိုးရာစိန် က ဆိုသည်။

စနေနေ့က ပြုလုပ်သည့် ၎င်း ရုံးဖွင့်ပွဲသို့ အစိုးရမှဘက်မှ ပြည်ထောင်စု သစ်တောဝန်ကြီး ဦးဝင်းထွန်း၊ မြန်မာ EGRESS မှ ဦးတင်မောင်သန်း၊ ပြည်နယ် ဝန်ကြီးချုပ် ဦးဇော်မင်း၊ ပြည်နယ် လွှတ်တော် ကော်မရှင် ဥက္ကဋ္ဌ စောအောင်ကျော်မင်း အပါအဝင် ဌာနဆိုင်ရာ အရာရှိများ တက်ရောက်ခဲ့ကြသည်။

ထို့အတူ KNU ဘက်မှ KNLA စစ်ဦးစီးချုပ် ဗိုလ်ချုပ်ကြီး မူတူးဆေးဖိုး၊ အတွင်းရေးမှူး(၂)ပဒိုဒေးဗစ်ထော၊ တပ်မဟာ(၇) တပ်မ ဟာမှူး ဗိုလ်မှူးချုပ် စောဂျော်နီ၊ မော်လမြိုင် (ဒူးပလာယာ) ခရိုင် ဥက္ကဋ္ဌ ပဒိုရွှေမောင်း အပါအဝင် KNLA တပ်ဖက် အရာရှိ အချို့နှင့် ပရိသတ် ၂၀၀ ခန့် တက်ရောက်ခဲ့ကြသည်။

ယခင်ကလည်း အတွင်းရေးမှူး (၂) ဗဒို ဒေးဗစ်ထော၏ မီဒီယာ အင်တာဗျူး တခု၌ အဖွဲ့အစည်း ဂုဏ်သိက္ခာအား ထိခိုက်ကျ ဆင်းစေခြင်းနှင့် သတင်း အချက်အလက် အချို့ လွဲမှားဖြေကြားခဲ့သည့်အတွက် ၎င်းအား KNU ဗဟိုမှ ခေါ်ယူ၍ သတိပေးခဲ့ မှုမျိုး ရှိခဲ့ဖူးသည်။

Ref: မဇ္ဈိမ