ပတ်ဝန်းကျင်ထိန်းသိမ်းရေးလုပ်ငန်းများတွင် အမျိုးသမီးကဏ္ဍကလည်းအလွန်အရေးပါ

ယမင်း(မြစ်မခ)
1 Oct, 2012

သဘာဝပတ်ဝန်းကျင်ထိန်းသိမ်းရေး လုပ်ငန်းများဆောင်ရွက်ရာတွင် အမျိုးသမီးများ၏ အခန်းကဏ္ဍသည် အလွန် အရေးပါသော ကဏ္ဍတစ်ခုအဖြစ် ပါဝင်လျှက်ရှိကြောင်း သဘာဝပတ်ဝန်းကျင် ထိန်းသိမ်းရေး အဖွဲ့များထံမှ သိရှိရသည်။

''အမျိုးသမီးတွေဟာ သစ်ပင်ပန်းမာန်တွေသာမက နေ့စဉ်လုပ်နေရတဲ့ အလုပ်တွေကိုက ပတ်ဝန်းကျင်ကို ထိခိုက်စေမယ့် ကိစ္စ တွေမှာ ပါဝင်ပတ်သတ်မိနေတယ်ဆိုတာကို သတိပြု မိကြဖို့လိုပြီး သဘာဝတွေ မျိုးတုန်းမပျောက်ကွယ်စေဖို့ အမျိုးသမီးတွေ အနေနဲ့ ဆင်ခြင် နိုင်ဖို့၊ပိုပြီးဆွေးနွေးကြဖို့လိုပါတယ် ''ဟု မြန်မာနိုင်ငံသစ်သီးဝလံ၊ပန်းမာန်နှင့် ဟင်းသီး ဟင်းရွက်စိုက်ပျိုး ထုတ်လုပ် တင်ပို့ရောင်းချသူများအသင်းမှ အတိုင်ပင်ခံပညာရှင်ဒေါက်တာ သန်းသန်းစိန်က သုံးသပ် ပြောသည်။

အမျိုးသမီးများသည် ပတ်ဝန်းကျင် ထိန်းသိမ်းရေးကဏ္ဍ၌ အရေးကြီး ရခြင်းမှာဒေသ အများစုတွင် သဘာဝ ပတ်ဝန်းကျင်ကို မှီခိုနေရသည့် လယ်ယာလုပ်ငန်းခွင်နှင့် အိမ်တွင်း အစားအစာ ထုတ်လုပ်မှုတို့အတွက် အမျိုးသမီးများ သည် တာဝန်ယူဆောင် ရွက်နေကြရ ခြင်းကြောင့်ဖြစ်သည်။

သဘာဝပတ်ဝန်းကျင်မပျက်စီး၊မပြုန်းတီးစေရန် အိမ်တွင်းစားသောက်မှုလုပ်ငန်းများတွင် အသုံးပြု၇သောထင်းအစား စွမ်းအင်ကဲ့ သို့လောင်စာ တစ်မျိုးမျိုးဖြင့် အစားထိုးသုံးစွဲ သင့်ကြောင်း၊ သဘာဝပတ်ဝန်းကျင်မျိုးတုန်း ပျောက်ကွယ်မှုမရှိစေရန်အတွက် တိရ စ္ဆာန်များ မှထွက်ရှိသော အသုံးအဆောင်ပစ္စည်းများသုံးစွဲခြင်းမှ ရှောင်ကျဉ်ခြင်း တို့ဖြင့် သဘာဝ ပတ်ဝန်းကျင်ပျက်စီးခြင်းမှ ကာ ကွယ်နိုင်ကြောင်း သိရှိရသည်။

''သဘာဝပတ်ဝန်းကျင်နဲ့ ထိတွေ့မှုအများစုက အမျိုးသမီးတွေဖြစ်ပါတယ်။ ဘာလို့လဲဆို မီးဖိုချောင်အတွက် နေ့စဉ် ထင်းရှာ ရတာရယ်၊ ရေအရင်းအမြစ်ရှားပါး လာပြီဆိုရင် ဝေးလံ တဲ့နေရာဒေသတွေကနေ ရှာဖွေလာကြရတယ်။ သဘာဝ ပတ်ဝန်းကျင် ပြုန်းတီး သွားရင် သူတို့တွေပဲ အများဆုံးဒုက္ခရောက်ကြ ၇တယ်။ အဲဒါကြောင့် ပတ်ဝန်းကျင် ထိန်းသိမ်းရေး မှာ အမျိုးသမီးတွေက အဓိကဖြစ်နေ တယ်'' ဟု သဘာဝပတ်ဝန်းကျင်နှင့်စီးပွားရေး သုတေသနသိပ္ပံမှ ဥက္ကဌ ဦးတင်ဝင်းအောင်က ပြောသည်။

မြန်မာနိုင်ငံတွင် ကျေးရွာပေါင်း ၆၅ဝဝဝ(ခြောက်သောင်းငါးထောင်)ကျော်ရှိပြီး ကျေးလက်ဒေသနေအမျိုးသမီး အများစုသည် အိမ်တွင်းစားသုံးမှုအတွက် ထင်းများကို သာအသုံးပြုနေရခြင်းကြောင့် သစ်တောများပြုန်းတီးကာ ဆိုးကျိုးများအနေဖြင့် သောက် သုံးရေ ရှားပါးခြင်း၊ ရာသီဥတုဖောက်ပြန်ခြင်း၊ စိုက်ပျိုးသီးနှံများထိခိုက်ခြင်းနှင့် အခြား နောက်ဆက်တွဲဆိုးကျိုးများ စွာဖြစ်ပေါ်လာ နိုင်ကြောင်း မြန်မာ့ပြန်ပြည့်မြဲစွမ်းအင် အသင်းမှ ဦးအောင်မြင့်က သုံးသပ်သည်။

သစ်ပင်သစ်တောထိမ်းသိမ်းရေးတွင် အမျိုးသမီးများ၏ အခန်းကဏ္ဍသည် (၂၅)ရာခိုင်နှုန်းမှ (၃၃)ရာခိုင်နှုန်းအထိ ပါဝင်လာမည် ဆိုပါက ကမ္ဘာကြီးတွင် အစိမ်းရောင်စီးပွားရေးအောင်မြင်မှုအရှိန်အဟုန်နှင့် မြင့်မားလာနိုင်သည်ဟု အိန္ဒိ္ဒယ စီးပွားရေးပညာရှင် ဘင်နာအာဂါဝါ၏ အဆိုကို ကိုးကား ၍ ပါမောက္ခဒေါက်တာစိန်စိန်သိန်းက ဆိုသည်။

Ref: