မင်းမင်းလတ်-မန္တလေး(မြစ်မခ)
1 Oct, 2012
မန္တလေးမီဒီယာသမားများအကြား၌် မီဒီယာသမားများအနေဖြင့် လက်ဆောင်ယူသင့်မယူသင့်ဟူ သည့်ကိစ္စအား မန္တလေးမြို့ ချမ်း အေးသာစံမြို့နယ် (၃၅)လမ်းပေါ်ရှိ Simplecity စားသောက်ဆိုင်တွင် ပြုလုပ်သော မီဒီယာ စကားဝိုင်းတွင် သဘောထား အမြင်အမျိုးမျိုးဖြင့် ဆွေးနွေးခဲ့ကြသည်။
အဆိုပါစကားဝိုင်းကို ရန်ကုန်မြို့မှ သတင်းစာဆရာရဲနိုင်မိုး ၊ ဒီဇိုင်းပညာရှင် စိုးဝင်းငြိမ်း အပါအ၀င် အရှေ့တောင်အာရှမှ မီဒီယာ သမားအချို့ တက်ရောက်ခဲ့ပြီး စက်တင်ဘာလ (၂၆)ရက်နေ့က ကျင်းပခဲ့ခြင်းဖြစ်သည်။
ဆက်လက်၍ ပေါ်ပြူလာဂျာနယ်မှစိုင်းလှမင်းက ရန်ကုန်မြို့တွင် ၎င်းကြုံခဲ့ရသည့် လာဘ်ထိုးမှုအချို့ ကြုံခဲ့ရသည့်အဖြစ် အပျက် များနှင့်ပတ်သက်၍ ယခုကဲ့သို့ဆိုသည်။
"ကုမ္ပဏီတစ်ခုက စာနယ်ဇင်းတွေ့ဆုံပွဲပြီးတော့ ငွေငါးသောင်းလာပေးတယ်၊ ဒါကျွန်တော့်ကို စော်ကားတာ၊ ကျွန်တော် မယူခဲ့ပါ ဘူး၊ အဲဒီသတင်းလဲ မရေးခဲ့ဘူး " ဟု ၄င်းက ပြောပြသည်။
The Farmer ဂျာနယ်မှ မန္တလေးသတင်းထောက်ဖြစ်သည့် ကျော်သူရမျိုးကလည်း ၄င်း၏အတွေ့အကြုံကို ပြောပြ သည်။
"ကျွန်တော်ကတော့ ကုန်ပစ္စည်း မိတ်ဆက်ပွဲတို့ ၊ အလှကုန်ပွဲတို့ဆို မသွားတော့ဘူး ၊ ဘာလို့လဲဆိုတော့ သူများတွေက လက် ဆောင်ထုတ်တွေ ယူနေတဲ့အချိန်မှာ ကျွန်တော်တို့က မယူပဲထိုင်နေရင် ဆရာကြီး လုပ်တဲ့ပုံ ဖြစ်နေမှာစိုးလို့" ဟု ကိုကျော်သူရ မျိုးက ပြောသည်။
လက်ဆောင်ယူခြင်းမယူခြင်းနှင့် သတင်းဂျာနယ်တိုက်များက တားမြစ်ထားခြင်းမှာ ထို လက် ဆောင်များ၏ သက်ရောက်မှုမှာ သတင်းအပေါ် လွှမ်းမိုးလာမည်ဖြစ်သောကြောင့် တားမြစ်ခြင်း ဖြစ်နိုင်ကြောင်း ၎င်း၏ထင်မြင်ယူဆ ချက်ကို 7 Day ဂျာနယ်မှ မန္တလေးသတင်းထောက်မောင်တာက တင်ပြခဲ့သည်။
မီဒီယာသမားများအနေဖြင့် လိုက်နာကျင့်သုံးရမည်ဖြစ်သော မီဒီယာကျင့်ဝတ်များတွင် သတင်း တစ်ပုဒ်အတွက် တစ်စုံတစ်ရာ အခကြေးငွေနှင့် လက်ဆောင်မယူရဟူ၍ နိုင်ငံတကာ စံနှုန်းများဖြင့် သင်ကြား လုပ်ကိုင်နေကြသော်လည်း မန္တလေးမြို့ရှိ မီဒီယာ အချို့မှာ ထိုအချက်အား လိုက်နာမှုအပေါ်တွင် အားနည်းသေးသည်ကိုလည်း တွေ့ရှိရသည်။
Ref:
အသက် ၂၆ နှစ်ကနေ ၄၃ နှစ်အရွယ် အထောက်အထားမဲ့ မြန်မာနိုင်ငံသား အမျိုးသား
ငါးဦးနဲ့ အမျိုးသမီး နှစ်ဦး ကို တွေ့ရှိခဲ့တယ်လို့ ဆိုပါတယ်။
7 hours ago
Posts
0 comments:
Post a Comment