Thursday, January 19, 2012

ဥရောပက မြန်မာအပေါ် ဖေဖော်ဝါရီလတွင် ပိတ်ဆို့မှုများ စတင် ရုပ်သိမ်းနိုင်

19 January 2012

မြန်မာနိုင်ငံတွင် ပြုပြင်ပြောင်းလဲမှုများကို အားပေး တိုက်တွန်းရန်အတွက် မြန်မာနိုင်ငံအပေါ် ပိတ်ဆို့ အရေးယူထားမှုများကို ဖေဖော်ဝါရီလတွင် စတင်ရုပ်သိမ်းသွားရန် ဥရောပ သမဂ္ဂက စဉ်းစားနေကြောင်း ဥရောပ သံတမန်များက ဇန်န၀ါရီ ၁၈ ရက် နေ့တွင် ပြောကြားခဲ့ပါသည်။

ဥရောပ သမဂ္ဂနိုင်ငံခြားရေးရာ မူဝါဒဥက္ကဋ္ဌ ကက်သရင်းအက်ရ်ှတန်သည် မြန်မာနိုင်ငံသို့ မကြာမီလာ ရောက်လည်ပတ်မည် ဖြစ်ပြီး မြန်မာနိုင်ငံကို ကူညီပေးရန်အတွက်လည်း စဉ်းစားနေကြောင်း သူ၏ပြောခွင့်ရ ပုဂ္ဂိုလ် မိုက်ကယ်မန်းက အေအက်ဖ်ပီသို့ ပြောကြား ခဲ့သည်။ အဖွဲ့ဝင် ၂၇ နိုင်ငံရှိသော ဥရောပ သမဂ္ဂသည် ဇန်န၀ါရီလ ၂၃ ရက်နေ့တွင် ဘရက်ဆဲလ်၌ ဥရောပ သမဂ္ဂနိုင်ငံခြားရေး ၀န်ကြီးများ အစည်းအဝေးကို ကျင်းပမည်ဖြစ်ပြီး ထိုအစည်းအဝေးတွင် မြန်မာနိုင်ငံအရေးကို ဆုံးဖြတ်မည်ဖြစ်ပါသည်။


ဥရောပသမဂ္ဂ နိုင်ငံခြားရေး ၀န်ကြီးများက ဖေဖော်ဝါရီလတွင် ပိတ်ဆို့အရေးယူမှုများ စတင်ရုပ်သိမ်းရန် စဉ်းစားထားမှုကို ကြေ ညာ သွားဖွယ်ရှိသည်။ ဧပြီလလယ်တွင် ပိတ်ဆို့အရေးယူမှုများနှင့် ပတ်သက်၍ သုံးသပ်မှုများကို ဆောင်ရွက်သွားရန် ရှိသော် လည်း အချို့နိုင်ငံများက ဧပြီလ ကြားဖြတ်ရွေးကောက်ပွဲများ မတိုင်မီ ပိတ်ဆို့မှုများ ရုပ်သိမ်းလိုကြောင်း ဥရောပ သမဂ္ဂ သံတမန် တစ်ဦးက ပြောကြားခဲ့သည်။ မြန်မာနိုင်ငံရေး ပြုပြင်ပြောင်းလဲမှုများကို အားပေးတိုက်တွန်းရန်အတွက် ဥရောပသမဂ္ဂ အတွင်း ဆွေးနွေးမှုများ ဆောင်ရွက်နေကြောင်း ဗြိတိန်နှင့် နောဒစ်နိုင်ငံ အချို့က ဧပြီလ ရွေးကောက်ပွဲများကို စောင့်ကြည့်လို သော် လည်း ပြင်သစ်၊ ဂျာမနီအပါအ၀င် အခြားဥရောပနိုင်ငံများက ပြုပြင်ပြောင်း လဲရေးလုပ်ငန်းစဉ်များကို အားပေးရန်အတွက် လျင်လျင်မြန်မြန် ဆောင်ရွက်လိုကြောင်း သတင်းရင်းမြစ်တစ်ခုက ပြောကြားခဲ့သည်ဟု အေအက်ဖ်ပီက ရေးသားခဲ့သည်။

ဥရောပနိုင်ငံများသည် မြန်မာနိုင်ငံကို ကုန်သွယ်ရေးနှင့် ဘဏ္ဍာရေး ပိတ်ဆို့အရေးယူမှုများကို ယမန်နှစ်က တစ်နှစ်သက် တမ်းတိုး ထားခဲ့သော်လည်း မကြာသေးခင်က ခရီးသွားလာမှုနှင့် ဘဏ္ဍာရေး ထိန်းချုပ်ထားမှုများကို ဖယ်ရှားပေးခဲ့သည်။ ဥရောပ သမဂ္ဂ သည် အကူအညီပေးရေး အစီအစဉ်များကို စီမံခန့်ခွဲရန်နှင့် နိုင်ငံရေးလုပ်ငန်းများတွင် ကူညီရန်အတွက် ရန်ကုန်မြို့တွင် ရုံးဖွင့်လှစ် သွားမည်ဖြစ်ကြောင်း ယခုလ အစောပိုင်းတွင် ကြေညာခဲ့သည်။

Ref: ရွှေဟင်္သာ

0 comments:

အပေါ်သို့