နေဖြိုးမြင့် - ရှမ်း၊မြောက် (မြစ်မခ)
7 Aug, 2012
ကျောက်မဲမြို့၊ ဗဟိုဈေးအနီးပြောင်းရွှေ့ဖွင့်လှစ်ထားသော ညနေဈေးမှာ ပြောင်းရွှေ့ပြီး (၆)လတွင်း အရောင်းအဝယ်ကျ ဆင်း လျှက်ရှိကြောင်း ဈေးသူဈေးသားများထံက သိရှိရသည်။
''ဈေးကြီးနားဖြစ်သွားတော့ ဈေးသည်တွေ တော်တော်များများရောင်းမကောင်းကြဘူး။ အမှတ် (၃)မှာတုန်း ညနေဈေး တစ်ခုပဲ ရှိတာဆိုတော့ အရောင်းအဝယ်ကောင်းတယ်။ ဒီမှာ မနက်ဈေးရော ညနေဈေးရောဆိုတော့ အရောင်းအဝယ်ပါးတယ်''ဟု ညနေ ဈေးတွင်ရောင်းချနေသူ ဈေးသည် မဇင်ဇင်ဆွေက ပြောသည်။
'ဈေးဆိုင်မရှိတဲ့ ရပ်ကွက်တွေမှာရှိရင်အရောင်းအဝယ်ရောစားသုံးသူတွေအတွက်ရောအဆင်ပြေတယ်။ အခုကမနက်ဈေးရော ညနေ ဈေးရောတစ်ရပ်ကွက်ထဲမှာဖြစ်နေတာတော့ ဈေးသည်တွေ အနေနဲ့ အရောင်းအဝယ် မဖြစ်ကြတာထင်တယ်''ဟု ကျောက်မဲမြို့ အမှတ် (၃)ရပ်ကွက်မှ ကိုကျော်မျိုးက ပြောသည်။
ညဈေးမှ ဈေးသူဈေးသားများသည် ယခင် ဈေးအဟောင်းတွင် တစ်ရက်လျှင် ကျပ် ၂သောင်း အထက် အရောင်းအဝယ်ဖြစ် သော်လည်း လက်ရှိဈေးနေရာသစ်တွင် တစ်ရက်လျှင် ကျပ် ၁သောင်း ဝန်းကျင်သာ အရောင်းအဝယ်ဖြစ်ကြောင်း ဈေးသူ ဈေး သားများက ဆိုသည်။
''အရင်နေရာမှာက ပိုရောင်းလို့ ကောင်းတယ်၊ အခုရွှေ့ထားတဲ့နေရာက ပိုပြီးနေရာကျယ်တယ် ဆိုပေမယ့် ဗဟိုဈေးကြီးရဲ့တောင် ဘက်နဲ့မြောက်ဘက် လမ်းကနှစ်လမ်းဖြစ်နေတော့ နှစ်နေရာခွဲ ထားသလိုဖြစ်ပြီး သိပ်ရောင်းမကောင်းဘူး'' ဟု ဈေးတွင်း ကြက်၊ ဘဲ ဥရောင်းချသူတစ်ဦးက ပြောသည်။
ညနေဈေးအား ညနေ (၃)နာရီမှ (၆)နာရီအထိ ဖွင့်လှစ်ရောင်းချကြပြီး ကျောက်မဲမြို့နယ်အတွင်းရှိ ကျေးရွာများမှ ဈေးသည်များ လာရောက်ရောင်းချလေ့ရှိသည့်ဈေးဖြစ်သည်။
ကျောက်မဲမြို့တွင် ဗဟိုဈေး နှင့် ဈေးသစ် ဈေးကြီး နှစ်ခုသာရှိပြီး အမှတ်(၈)ရပ်ကွက်တွင် မနက်ခင်း အခွန်လွတ်ဈေးနှင့် ဗဟို ဈေးအနီးတွင် ပြောင်းရွှေ့ဖွင့်လှစ်ထားသော ညနေဈေးရှိကြောင်းသိရှိရသည်။
Ref: မြစ်မခ
ကလေးမြို့နယ်မှာ ဧပြီလ ၂၄ ရက် ညနေပိုင်းက လက်နက်ကြီးကျည် ကျရောက်တာကြောင့်
ကလေးနှစ်ဦးနဲ့ အမျိုးသားတစ်ဦးတို့ သေဆုံးခဲ့ပါတယ်။
2 hours ago
Posts
0 comments:
Post a Comment