ကရင်နီနှင့် မွန်အဖွဲ့တို့ ကလေးစစ်သား အသုံးမပြုရေး လက်မှတ်ရေးထိုး

ဟင်္သာနီ (မွန်မြေ)
သြဂုတ်လ ၀၅ ရက် ၂၀၁၂ ခုနှစ်

ကရင်နီ တိုးတက်ရေးပါတီ (KNPP) နှင့် မွန်ပြည်သစ်ပါတီ (NMSP) တို့သည် ကလေးစစ်သား အသုံးမပြုရေးနှင့် ပတ်သက်၍ နိုင်ငံတကာ အဖွဲ့အစည်း တခုဖြစ်သည့် Geneva Call နှင့် အချက် ၆ ချက်ပါ စာချွန်လွှာအား သြဂုတ်လ ၃ ရက်နေ့က လက်မှတ် ရေးထိုးခဲ့ကြသည်ဟု KNPP အတွင်းရေးမှူး (၂) ဦးအောင်ဆန်းမြင့် က မဇ္ဈိမကို ပြောသည်။

“ကျနော်တို့ ဆီမှာ လက်ရှိအထိတော့ ၁၈ နှစ်အောက် ကလေးစစ်သားတွေ တယောက်မှ မရှိပါဘူး။ ကျနော်တို့ ဒါကို သက်သေ ပြ အာမခံမှု ပေးနိုင်တယ်။ ဒါကြောင့် ကျနော်တို့ ဒီစာချွန်လွှာကို လက်မှတ် ရေးထိုးခြင်း ဖြစ်တယ်” ဟု ပြောသည်။

အဆိုပါ စာချွန်လွှာအား လွန်ခဲ့သည့် အစောပိုင်းနှစ်များက ပအိုဝ်း အမျိုးသား လွတ်မြောက်ရေးအဖွဲ့ (PNLO) နှင့် ပလောင် အမျိုးသား လွတ်မြောက်ရေးအဖွဲ့ (PSLO) တို့လည်း လက်မှတ် ရေးထိုးထားပြီး ဖြစ်ကြောင်း သိရသည်။

သို့သော်လည်း KNU, KNPP နှင့် အခြားတိုင်းရင်းသား အဖွဲ့များ အပါအဝင် အစိုးရတပ်မှပါ ကလေး စစ်သားး အသုံးပြုနေကြဆဲ ဖြစ်သည်ဟု ကုလသမဂ္ဂမှ ထုတ်ပြန်သည့် အစီရင်ခံစာများ၌ ၂၀၁၁ ခုနှစ် အထိ ဖော်ပြနေကြကြောင်း ဦးအောင်ဆန်းမြင့် က ဆိုသည်။

KNPP သည် ကလေးအခွင့်အရေး အကာအကွယ်ပေးရေးနှင့် ပတ်သက်၍ UNICEF နှင့်လည်း အစောပိုင်း နှစ်များ၌ လက်မှတ် ရေးထိုးခဲ့ပြီး ဖြစ်သည်ဟု ဦးအောင်ဆန်းမြင့် က ပြောသည်။

လက်မှတ် ရေးထိုးရာတွင် ပါဝင်သည့် အဓိက အချက်များမှာ စစ်ပွဲတွင် ကလေးများ မပါဝင် မပတ်သက်စေရန်၊ စစ်ဆင်သည့် အခါ ကလေးများကို ရှောင်ရှားရန်၊ စစ်ဇုန်များ၌ ကလေးများ မပါဝင် စေရန်၊ ကလေးများကို ထိန်းချုပ်ခြင်း၊ ချုပ်နှောင်ခြင်း ထားရလျှင်လည်း လူသားဆန်စွာ ပြုမှုဆက်ဆံ ရန်နှင့် သေဒဏ် မပေးမိစေရန် အပါအဝင် ကလေးအခွင့်အရေး များကို အကာ အကွယ် ပေးနိုင်ရန် အတွက် အာမခံချက်ပြုသည့် အချက် ၆ ချက် ပါဝင်သည်။

ယင်းစာချွန်လွှာကို လက်မှတ်ရေးထိုးပြီးနောက် သက်ဆိုင်ရာ အဖွဲ့အစည်းများသို့ Geneva Call မှ သဘောတူညီချက် အတိုင်း မှန်/မမှန် လာရောက်ပြီး စစ်ဆေးနိုင်ရေးကို ခွင့်ပြုပေးရန်နှင့် ပူးပေါင်းဆောင်ရွက်ပေးရန်၊ အချက်အလက် အစီရင်ခံစာများ ကို လည်း တင်ပြပေးရမည် ဖြစ်သည်။

၂၀၁၁ ခုနှစ် အတွင်းကလည်း ကလေးစစ်သား အသုံးမပြုရေးနှင့် ပတ်သက်သည့် သင်တန်းများကိုလည်း KNPP ဗဟိုဌာနချုပ်၌ Geneva Call မှ နှစ်ကြိမ် သင်တန်းပေးပြီး ဖြစ်သည်။

၎င်းတို့ အဖွဲ့အစည်းအတွင်း၌ ကလေးစစ်သား အသုံးပြုမှု မရှိကြောင်း နိုင်ငံတကာ အဖွဲ့အစည်း များအား လာရောက် စစ်ဆေးရန် ဖိတ်ခေါ်ခဲ့သော်လည်း လာရောက်ခဲ့ခြင်း မရှိဟု ဦးအောင်ဆန်းမြင့်မှ ပြောသည်။

အဆိုပါ စာချွန်လွှာအား ဂျီနီဗာမြို့၌ မွန်ပြည်သစ်ပါတီဘက်မှ နိုင်ငံခြားနှင့် မဟာမိတ် ဆက်ဆံရေးရုံး တာဝန်ခံ နိုင်ဟံသာ (ဗိုန်ခိုင်) က လည်းကောင်း၊ ကရင်နီ တိုးတက်ရေးပါတီ အတွင်းရေးမှူး (၁) ခူဦးရယ်နှင့် အမြဲတမ်း ဗဟိုကော်မတီဝင် ရီမင်ထူး က လည်းကောင်း အသီးသီး သဘောတူ လက်မှတ် ရေးထိုးခဲ့ကြခြင်း ဖြစ်သည်။

Ref: မဇ္ဈိမ