ထက္ေအာင္ခန္႔ (ျမစ္မခ)
4 Aug, 2012
မီးဖုိေခ်ာင္သုံး စားေသာက္ကုန္ေစ်းကြက္တြင္းရွိ ၾကက္သြန္ျဖဴေစ်းႏူန္းမ်ားသိသိသာသာက်ဆင္းလွ်က္္ရွိၿပီး ၾကက္သြန္နီေစ်းႏူန္းမွာ အနည္းငယ္ျမင္႔တက္လွ်က္ရွိေၾကာင္း ေစ်းကြက္အတြင္းက သိရသည္။
ယခင္ ၿပီးခဲ့သည့္ ၂ဝ၁၁ခုႏွစ္တြင္ ၾကက္သြန္ျဖဴ တစ္ပိႆာလွ်င္ က်ပ္ ၄ ေထာင္- ၅ ေထာင္ခန္႔ ေစ်းရရိွခဲ့ေသာ္လည္း လက္ရိွ တြင္ ထူးတစ္ၾကက္သြန္ျဖဴ တစ္ပိႆာလွ်င္ က်ပ္ ၆၅ဝ ရရိွကာ ထူးေလး ၾကက္သြန္ျဖဴမူ တစ္ပိႆာလွ်င္ က်ပ္၁ဝ၅ဝ သို႔က် ဆင္းေနျခင္း ျဖစ္သည္။
ၾကက္သြန္ (ျဖဴ/၊နီ) ေစ်းႏူန္းမ်ား တစ္ျဖည္းျဖည္း က်ဆင္းလာျခင္းသည္ စုိက္ပ်ဳိးေတာင္သူမ်ားျပားကာ ေစ်းကြက္တြင္း ပုိလွ်ံ လာျခင္းေၾကာင့္ျဖစ္သည္ဟု ေညာင္ပင္ေလးေစ်းရိွ ၾကက္သြန္ကုန္သည္မ်ားက ဆိုသည္။
'ၾကက္သြန္ျဖဴက ၿပီးခဲ႔တဲ႔ႏွစ္ကဆုိ ဒီခ်ိန္ ေလးငါးေထာင္ေလာက္ ေစ်းရတယ္။ ဝယ္လုိအားလည္း မ်ားခဲ႔တယ္။ ဒီႏွစ္ေတာ႔ ေစ်း ကလည္း ေတာ္ေတာ္ေလး ထုိးက်သြားတယ္။ အေရာင္းအဝယ္လည္းေအးေနတယ္။'' ဟု ေအာင္ကုန္မ်ိဳးစံုေရာင္းဝယ္ေရးမွ တာဝန္ရွိသူတစ္ဦးက ေျပာသည္။
ရန္ကုန္ေစ်းကြက္တြင္းသုိ႔ ဝင္ေရာက္ေနေသာၾကက္သြန္မ်ားမွာ ျမင္းၿခံ၊ ေတာင္သာ၊ပခုကၠဴႏွင္႔ ျမန္မာႏုိင္ငံအလယ္ပုိင္း ေဒသမ်ားမွ အမ်ားဆုံးဝင္ေရာက္လွ်က္ရွိၿပီး အျခားေဒသမ်ားမွလည္း ဝင္ေရာက္လွ်က္ရွိေၾကာင္း သိရသည္။
လက္ရွိေစ်းကြက္တြင္း ျဖစ္ေပၚေနေသာ ၾကက္သြန္ေစ်းႏႈန္းမ်ား
အမ်ဳိးအစား အေရအတြက္ ေစ်းႏူန္း
ၾကက္သြန္နီ(အေသး) တစ္ပိသာ ၄၅ဝ က်ပ္
ၾကက္သြန္နီ(အၾကီး) တစ္ပိသာ ၆၅ဝ က်ပ္
ၾကက္သြန္ျဖဴ(ထူး ၁) တစ္ပိသာ ၆၅ဝ က်ပ္
ၾကက္သြန္ျဖဴ(ထူး ၄) တစ္ပိသာ ၁ဝ၅ဝ က်ပ္
Ref: ျမစ္မခ
တိုက်ပွဲဖြစ်တာမရှိဘဲ စစ်ကောင်စီက ညနေပိုင်းမှာ လေကြောင်းတိုက်ခိုက်ခဲ့တာလို့
ကျွန်းလှ တက်ကြွလှုပ်ရှားသူများအဖွဲ့ တာဝန်ရှိသူတစ်ဦးက RFA ကို ပြောပါတယ်။
4 hours ago
Posts
0 comments:
Post a Comment